Osteguna, 2014-10-30

Gordailua | Aisia Atal honetarako RSS jarioa

Kontzertu bikoitza izango da Getariako gaztetxean larunbatean

Kontzertu bikoitza antolatu du larunbaterako Getariako gaztetxeak. Betunizer valentziarrak izango dira taula gainera igotzen lehenak, 22:40ean. Eta ondoren Jupiter Jon irundarren txanda izango da.

http://betunizer.bandcamp.com

http://jupiterjon.bandcam…

Kulturaren sortaldea

Literatura, musika, zinema, antzerkia, artisautza eta artea… Sormenari eskainitako gunea izango da Sortaldea. Zarauzko itsas pasealekuan, Dora Salazar artistaren Torsion compensada eskulturaren parean, itsas naturaren lokalean  egongo da kultur eremua, bisitari guztien begibistan, eta askotariko diziplinak bilduko ditu. Uztailaren 2an zabalduko ditu ateak, eta udan askotariko ekimenak izango dira bertan. Neguan, berriz, sormenerako, erakusketetarako eta hitzaldi eta aurkezpenetarako gunea izango da. Liburuak izango dira protagonista nagusiak udan Sortaldean. Hala, beach library edo biblioplaya kontzeptuari jarraituz, edonork liburuak maileguan hartu ahalko ditu, hondartzan irakurtzeko. Horretarako, datu pertsonalak besterik ez dira eman beharko, eta egunaren amaieran edota hurrengo egunean itzuli beharko da mailegatutako lana. Era berean, itsas pasealekuan irakurketa gunea sortuko dute, interesa dutenek liburua hartu eta atarian, eguzkitan, irakurtzeko. Bestelako kultur ekimenek izango dute lekua Sortaldean, Inaugurazio egunean, uztailaren 2an,  esaterako, Zarauzko balea zabalduko dute, balearen arrantzari eta Zarautzek itsasoarekin izan duen loturari buruzko erakusketa. Izan ere, Zarauzko balea izan zen Kantauri itsasoan ehizatu zuten azken balea, 1878an, Roke Etxabe zarauztarrak sartutako arpoiarekin. Haren bertsoak oinarri hartuta antolatuko dute aipatu erakusketa eta irailaren 16ra bitartean bisitatu ahalko da. Horrez gain, hainbat ekitalditarako lekua atonduko da itsas pasealekuko kultur eremu berrian. Udako egitarau zabala prestatu dute, hala; hitzaldiak, film emanaldiak, antzezlanak eta [...]

Udarako askotariko ikastaroak antolatu dituzte Getarian

Herritarrek udan aspertzeko aukerarik ez dute izango, askotariko ikastaroak antolatu baitiuzte uztailerako zein abuzturako. Itsasoko jardueran artean, piraguismoa, bela, surfa eta bodyboarda, igeriketa eta SUP Stand Up Paddle edo arraun surfa praktika…

Nabarrherri topaketek Euskal Herriko memoria historikoa landuko dute

Hernani Errotzen Memoria Historikoa Kultura Elkarteak, Zumaiako Udalaren laguntzarekin, Nabarrherri Topaketak antolatu ditu datozen egunetarako, Euskal Herriko ondare kulturala eta historikoa berreskuratzeko asmoz. Kultur elkarteak Nabarralde ekimenaren ideologia sustatzen du, eta Nafarroaren Konkistaren 500. urteurrenean, euskal kultura eta nafar identitatea uztartuko dituzte Zumaiako Amaia Plazan, aisialdiaren bidez; «nazio kulturala eta politikoa txanpon beraren bi aurpegi [...]

I. Eki Eguna ospatuko dute Zumaian larunbatean

Txinparta euskara taldeak, Gaztetxeak, Inpernupeko Joareak taldeak, Astinduk eta Bertso Eskolak antolatu dute I. Eki Eguna. 18:00etan hasiko dira ekitaldiak. Ordu horretan Kofradian haurrentzako tailerrak egongo dira. 23:00etan Zumaiako joareak herrian zehar ibiliko dira, eta gaurditik aurrera Beheko Plazan ekitaldi nagusia hasiko da: antzerkia, txalaparta, dantza, bertsoak, sorgin salda… izango dituzte ikusgai bertaratzen direnek. Beheko [...]

Aurtengo udan, Amaral

Zarauzko Rugby Taldeak Bultzarock ekimena abiarazi zuen duela bi urte, Barricadaren kontzertua antolatuz. Jaialdiak arrakasta itzela izan zuen, eta horrek bultzata, formato handiko beste ekitaldi bat antolatuko du uda honetan, Zarauzko Udalarekin elkarlanean. Oraingo honetan, estiloz aldatu eta Zaragozako Amaral pop-rock taldea ekarriko du. Emanaldia abuz­tuaren 25ean izango da, 21:30etik aurrera, Santa Klara komentu ondoko plazan. Eva Amaral eta Juan Agirre bikoteak gidatzen duen taldea nazioarteko biran murgilduta dago buru-belarri, Hacia lo salvaje azken diskoa zuzenean aurkezten. Oraintsu Parisen eta Londresen izan dira, eta eta Zarauzko emanaldia nazioarteko bira horretako hamalaugarrena izango da; ondoren, Stockholm, Munich, Hamburgo, Berlin, Los Angeles, San Diego eta San Francisco bezalako hiri handietara bidaiatuko dute. Zarauzko kontzertua Euskal Herrian emango duen bakarra izango da. Talde gonbidatu bila Amaral taldearen aurretik beste musika talde batek joko du. Talde gonbidatua, ordea, lehiaketa bidez aukeratuko dute, eta Gipuzkoako musikari guztiak hartu ahalko dute parte bertan. Lehiaketak bi fase izango ditu: lehenik eta behin, taldeek euren burua aurkeztu beharko dute Facebook atarian, eta boto gehien jasotzen duten bostek egingo dute aurrera; bigarrenean, bostetatik bat aukeratuko dute Amaraleko taldekideek, beren artista gonbidatua izan dadin. Talde irabazleak irekiko du jaialdia, eta, 23:00etan, Amaralen txanda izango da. Sarrerak 23 eurotan jarriko dituzte [...]

Amaralek kontzertua emango du abuztuan Zarautzen

Bultzarock ekimenak antolatu du Zaragozako taldearen kontzertua, abuztuaren 25erako. Santa Klara komentu ondoko plazan emango du kontzertua Amaralek. Amaralen kontzertuaren inguruko informazio gehiago jaso nahi izanez gero, klikatu hemen.

Teleskopioak nola erabili ikasteko aukera, gaur

Gaur astronomia praktikoaren hastapenei buruzko ikastaroa egingo dute. Batez ere,  teleskopioen ezaugarriak eta erabilpena izango ditu ardatz ikastaroak. Gaztelaniaz egingo dute.  20:15etik aurrera eskainiko dute ikastaroa, Arkamurkaren egoitzan (San…

Iraganeko mamuak uxatze aldera

Gernikako bonbardaketaren 50. urteurreneko ekitaldien ba­rru­an, Fran­cisco Escudero maisuak bere bigarren opera estreinatu zuen Bilboko Arriaga antzokian: Gernika maisulana, alegia. Mende laurden geroago, patuaren apeta bailitzan, sarraskiaren 75. urtemugak Escuderoren jaiotzaren mendeurrenarekin bat egin du. Kasualitatea begi bistakoa izanik, loturak ezin zuen oharkabean pasa. Alproja antzerki taldeak bi aldeak elkartu ditu berriro, eta larunbatean Gernika ikuskizuna taularatuko du Aritzabatalde kiroldegian, 22:00etatik aurrera. Osabaren mendeurrenaren harira, Jaione Eskudero iloba herriko kultur eragileekin harremanetan jarri zen, urtean zehar egitekoak diren ekitaldietan parte har zezaten. Alprojakoei, esaterako, antzezlan bat egitea proposatu zien. «Bere osabak Gernika izeneko opera bat zuela esan zidan. Hori entzun, eta, berehala, begiak zabaldu zitzaizkidan. Duela urte modoxka bat Gernikaren heriotza lana taularatu genuen, Ispilu Arte galeriak antolatutako Picassoren eta Gernikaren inguruko jardunaldietan», adierazi du Alprojako kide Ainhoa Alberdik. Antza denez, egokitzapen batzuk egin nahi zizkiotelako nahikoa utzita zuten aipatutako antzezlana. Aukera baliatuz, berriro heltzea erabaki zuten, operako zatiekin uztartuz. Gernika eraberritua, ordea, ez dute bakarrik ekarriko, Txorimaloa izango baitute bidaide. «Duela gutxira arte ezagutzen ez zen Escuderoren lan baten berri eman zidan Jaionek; Txorimaloa-z hitz egin zidan. Inguruan zuen jende desatsegina uxatzeko musika omen zen, eta nik bat-batean egin nuen bi lanen lotura. Gauzak argi ikusi nituen». Antzezlana bi [...]

Tximeletak ezagutzeko txangoa antolatu dute

Katamarrua Zestoako Natur Taldeak irteera antolatu du igande honetarako. Tximeletak ikustea izango da txangoaren helburua, eta haiek harrapatzeko “tramankulu berezia” eramateko asmoa dute.  Marrazkidun liburuak ere eramango dituzte, hala …