Ostirala, 2014-04-18

Gordailua | Euskara Atal honetarako RSS jarioa

Hunkituta jaso du Ikastolaren omenaldia Imanol Urbietak

Zarauzko Munoako karpa goraino bete zen atzo iluntzean Imanol Urbieta omentzeko. Salbatore Mitxelena Ikastolako irakasle ohia ikastolak berak omendu zuen, eta ikastolako ikasle, irakasle eta gurasoez gain herritar asko bertaratu zen. Omenaldia hasi aurretik ere hunkituta egon zen Kontxi Aizarna emaztearen ondoan, jende ugari hurbildu baitzen bera agurtzera. Omenaldian dantzariak, abestiak, bertsoak, ideo bat… denetarik [...]

Euskal Tonbolan auto bat irabazi du Aitziber Aizpurua zestoarrak

Euskararen Gizarte Erakundeen Kontseiluak jakinarazi du sari berezia lortu duela Aitziber Aizpurua zestoarrak Zestoako Koiote tabernan: Dacia Sandero auto bat, hain zuzen. Euskal Tonbolan lortu du saria.

Gurasoek euskaraz hitz egin dezaten egitasmo bat abiatuko du Orioko Udalak

Orioko Udalak 2013an abiatu zuen Euskaraz bizi-bizi egitasmoak oriotarren kontzientzia linguistikoan eragitea du helburu, herritarrek euskaraz bizitzea aukera dezaten eta euskarak erabilera esparru berriak irabaz ditzan. Ildo horretatik abiatuko du udalak Aita, ama… kontu bat dut zuei esateko egitasmoa, gurasoen hizkuntza ohituretan eragitea helburu duen programa. Azken datuen arabera, euskararen erabilera gaztetxoen artean asko indartu [...]

Bideoa: ‘Manolo Urbietari bihotzez’ ekitaldi-omenaldia prestatzen

Azkoitian euskara saileko laguntzak eskatu daitezke jada

Azkoitiko Udaleko euskara zerbitzuak eskaintzen dituen diru laguntzak eskatu daitezke, ohiko euskara jarduerak bideratzeko, euskara ikasteko, errotulua euskaraz jartzeko, irudi korporatiboa euskaratzeko, webgunea eta programa informatikoak euskaraz jartzeko nahiz euskara jarduera puntualetarako. Jarduera bakoitzak bere epea du, eta honako helbidean ikus daitezke: www.azkoitikoudala.info.

Gaur Orio Tribuaren Berbak saioan

Euskara 25 urte barru nola egongo den aztertzen saiatuko da gaurko Tribuaren Berbak saioa, eta horretarako, hainbat gonbidatu izango ditu Kike Amonarrizek. Nola dago euskararen botila? Erdi hutsa ala erdi betea? Eta nola egongo da 25 urte barru, 2039an, euskara? Galdera horiei erantzungo die, gaur, Tribuaren Berbak saioan. Jarraitu irakurtzen Karkara-n.

Haurrak eredu izanik gurasoen euskara erabilera hobetu nahian

Aita, ama… kontu bat dut zuei esateko! programa jarri dute abian gurasoen hizkuntza-ohituretan eragiteko

Euskararen erabilera gaztetxoen artean indartu egin da Orion. 1989an Orioko gazteen %30ak egiten zuen euskaraz kalean; 2013an, ordeaz, %88,5ekoa zen gazteen arteko erabilera. Azken hamarkadetan nabarmen aldatu da euskararen erabilera haur eta gazteen artean. Baina helduen artean?

Helduen erabilera, aldiz, %55aren inguruan dabil. Ez da handitu, ez gutxitu: zenbaki horren bueltan dabil azkenaldian. Hortaz, gaztetxoek asko dute erakusteko helduei eta horri egiten dio erreferentzia martxan jarri berri duten kanpainaren leloak Aita, ama… kontu bat dut zuei esateko!

Parkeak euskaldunduz

Euskaraz bizi-bizi egitasmo orokorraren barruan garatuko den programa da hau, Udalak guraso gazteen artean euskararen erabilera sustatu nahi baitu. Orioko parkeetan gaztelania asko erabiltzen da, guraso euskaldunak entzuten dira gaztelaniaz hizketan: haurrarekin ez bada, gurasoen artean. 

Hor eragiteko aukera ikusten du Udalak, baita ikastetxeetako irakasle eta guraso euskaltzaleek ere. Hortaz, gurasoen hizkuntza-ohituretan eragin nahi dute ekimen honekin eta parkeak euskaldundu.

Galdetegia programari hasiera emateko

Orioko Udaleko Euskara batzordeak galdetegi bat prestatu du, herriko bi ikastetxeen laguntzarekin. Galdetegiaren helburua datuak jasotzea da gurasoen arteko euskararen erabileraz: zenbatek hitz egiten duen euskaraz seme-alabekin, bikotekidearekin, lagunekin…

Galdetegia LH4, LH5 eta LH6ko haur eta gurasoei banatuko zaie, betetzeko. Galdetegia modu anonimoan beteko da eta Udalak horko datuak erabili nahi ditu programaren barruan gerora antolatuko diren ekintza eta jarduerak zehazteko. Inkesta honen ostean ekintza gehiago egitea aurreikusten du Udalak.

 

Euskarari egindako erasoak salatzeko elkarretaratzeak deitu dituzte biharko Zarautzen eta Azpeitian

Euskararen aurkako erasoak salatzeko elkarretaratzeak egingo dira bihar Zarautzen eta Azpeitian, Konsteiluak deituta. 19:00etan hasiko dira elkarretaratzeak, herrietako udaletxe aurrean. Espainiako Gobernuko ordezkari Carlos Urkijok Euskal Herriko 46 udalen aurka egin du dagoeneko, udal horiek kontratazioetan hizkuntza irizpideak ezartzeagatik, hau da, euskararen ezagutza derrigorrezkotzat jotzeagatik, besteak beste. Eskualdean Azkoitiko, Azpeitiko, Orioko, Zarauzko eta Zestoako udalek [...]

Zarauzko udalarekin euskaraz aritu nahi dutela eska dezakete herritarrek

«Euskaraz bizitzearen alde egotetik euskaraz bizitzearen alde egitera pasa behar dugu», dio Zarauzko Euskal Herrian Euskaraz taldeak. Udalaren eta zarauztarren arteko harreman guztia ere hizkuntza horretan izatea nahi dute. «Zarauzko Udalak erakutsi izan du Euskal Herri euskaldunaren bidean urratsak eman daitezkeela; Ueman sartu eta hizkuntza irizpide berriak zehaztu eta onartu ditu, besteak beste». Hala ere, [...]

‘Tribuaren Berbak’ saiokoak, Orioko haur eskolan

ETB1eko ‘Tribuaren Berbak’ saioko lantaldea Orion dabil gaur arratsaldean. Haur eskolan ari dira saiorako irudiak hartzen eta bertako langileekin hitz egiten. Beraz, laster telebistan ikusteko aukera izango dira oriotarrak. Euskararen inguruko saioa asteazken gauetan ematen dute, 22:30ak aldean hasita. Kike Amonarriz da programako zuzendaria eta aurkezlea.